約五點半，天都未光就去到Piraeus碼頭，係巴士到好多我地呢d Backpacker呢
印象中個碼頭好大同好亂，週圍都有人係到兜售船飛
因為我地一早己經係網上買左Blue Star 去 Santorini 既慢船
所以唔駛理佢地，只係要搵番攞飛既地點
但搵左好耐都搵唔到....原來早得滯未開門.....
Piraeus碼頭Blue Star Ferry (慢船)
攞左飛，係街邊食左個早餐，再去補給，約六點半就上船
因為呢程係慢船，要搭約九個小時先去到Santorini....
疲倦既女士們，一上船就訓到落船，我就訓下醒下
間唔中就周圍參觀下，發覺係架船好多人急不及待係甲版上日光浴
班船中途停泊左幾個島，印象中有Ios, Naxos
係船到望到島上一座座小白屋，令我十分期待Santorini呢
途中埋岸既其中一島
約三時半，終於望到Santorini，她同其他島好唔不同，亦係其特別之處
一間間小白屋都起係懸崖上，碼頭就在懸崖底，由之字形既道路將小白屋連接
我開頭諗點解要夾硬係懸崖上起屋，後來先知係無得揀呢.....
船上望見既Santorini
落船，Santorini 既碼頭好細，但好多人好亂
等左一陣，就搵到酒店接送，係架好媒既Van仔，不過將貨就價啦
我地今次住既酒店，叫Anny Studio位於Perissa 黑沙海灘，四人房每人只係13歐
酒店距沙灘只係五十米到，十分近
我試過有一日早起，去海灘遊個水先梳洗呢...
唔選擇住係市區如Thira, Oia
一來因為價錢比較貴，二來比較噪吵，三來近海灘比較渡假Feel呢
總之，走個陣，我地都認為揀左住海灘附近係啱既!!
Anny Studio & Perissa Beach
係碼頭，沿之字形既路上山，途中經過好多小白屋，最後去到Perissa海灘
第一件事緊係沖涼梳洗，但發覺d水係鹹鹹地，刷牙果陣更加覺
我諗係d海水化得唔夠淡啦，不過都係果句，將貨就價啦.....
之後就去海灘，遊下水、曬下太陽、hae下就渡過左悠閒既黃昏
Perissa海灘既沙係火山灰形成，所以又黑又細
而海水清澈，遊水個陣可以睇住d魚仔係身邊一齊遊，好特別
可能，我地去唔係旺貴，無乜人，感覺好似包起左個海灘咁....
後來先知， 其他海灘既沙灘椅都要收費，唯獨Perissa係唔駛錢...抵呀
藍天、藍海、黑沙灘
呢隻狗同我玩左成個下午，趕都唔走
晚餐係酒店既廚房草草搞掂，貫徹慳錢原則
之後很早就訓，因為大家都好攰啦，而且要抖足精神，準備聽日遊覽Thira市
前言 Day1 Day2 Day3 Day4 Day5 Day6 Day7 Day8
0 留言:
發佈留言