2009年6月11日星期四

西安之旅~Day4 華山

Day1 Day2 Day3 Day4 Day5

華山總共有五個峰
早上看日出既係東峰
另外仲有南北西中峰

我地原本諗住隨便去一兩個峰就算
但行下行下...不知不覺就去晒五個峰...

行山既路線攰到都唔記得晒
只係跟住大隊行.......
我諗大概係東南西中北咁走啦
總之就好攰好攰.....

其實華山唔係高....最高既南峰都只係得2160米
但華山既山勢夠"險"、夠"峭"
大部份山頭都禿禿地,好似刀削出黎咁
而且個日煙霧彌漫,別有一番風味
所以都不枉此行

華山好多呢d鎖,刻名之後鎖係山上,可保平安


煙霧中既華山




上山其中一條路,落山先睇清楚....


華山上有一個險景叫"長空棧道"
大概就係懸崖到訂左几條木板可以係上面行,俾人影下D crazy photo
同行既戰友都唔敢玩,我地三個香港青年唔怕死去玩

下面真係懸崖,跌落去一定粉身碎骨


後尾係西安聽人講...果到曾經死個人....

總果我地最後玩到中午十二點半,拖著疲憊身驅行去北峰搭索道(即纜車)落山
前後足足行左十三個鐘,諗起都覺得係一個壯舉

落下遇到既行上山既挑夫,挑著既係山上賣既水、零食
他們太厲害,無搭索道全程行上山,接近90度既樓梯佢地係點行?
諗深一層都幾唏噓,我地為娛樂上山,佢地卻為糊口.......



山腳影既合照


之後搭車返西安青年旅社,因為腳太累去左旅社隔離間足浴
dum完骨之後,大家都不知不覺咁訓死左.....

因為呢日最後一日係西安,雖然好攰但大家都想感受下西安既夜生活
去左一間Club,感覺不錯
認識左當地一班雙失青年,飲酒、跳舞過左一晚

0 留言:

發佈留言