Day1 Day2 Day3 Day4 Day5今日主題係---夜登華山
食完早餐.....十一點到去到陝西博物館...
點知有午休........排隊排左成個鐘先攞到飛入去
排隊個陣遇到一對廣東黎既母女、同一對外國夫婦
九唔搭八咁吹左，時間都過得好快
個博物館都几多野睇，好多歷史文
講番西安d歷史
無記錯，由秦朝開到唐都以西安為首都
但我地係咁易睇下
跟住就去超市(即supermarket 國內係咁叫)買物資準備登山
大約四點鐘去到火車，諗住搭火車去華山
點知俾人打尖，過左時間買唔到車票
我起勢咁用廣東話粗口鬧佢，佢一句都聽唔明......哈哈
結果要搭私營既大巴去華山
等齊人等左成個鐘先開車，等加油又等左半個鐘，車程又成個几鐘
結果去到都成八點几啦
第一時搵間餐廳食飯，今次又係食清真菜，怒食串燒
係大巴公司提供既聚腳地方，認識左兩group 同行華山既戰友
Group 1:
來自陝西延安既大哥同安哥。佢地最型係著皮鞋，同攞塑料袋(即膠袋)登山，同我地如臨大敵既裝備形成強烈對比.......
Group 2:
係西安讀書既兩位女孩。國內女孩子既體能，真係唔好睇小......
就係咁浩浩蕩蕩七個人係夜晚十點半鐘向華山出發
開頭D路比較易行，大家有講有笑咁都几開心
但越行越金，由斜路變樓梯
再變成差唔多九十度既垂直梯級，要手腳並用先，變成真正爬山
最慘係驚遲睇唔到日出，係咁迫自己行快d
行到零晨兩三點個陣，又眼訓又攰，想死咁滯
但又唔想放棄，唔係前功盡癈
途中休息唔想行既時候，大家都會用普通話大叫"走吧"
結果就順著氣勢，繼續爬........
華山地圖，我地行右邊條路，落山就左邊搭cable car
但越行越高，望返轉頭，睇返自己行左咁高
都有一種滿足感既
而且行到咁想下就有d通宵營業既商店可以頭下，食下野
都無咁辛苦
山上商店，賣d野...越高越貴
行緊個陣發覺原來勁多人都係咁樣夜行
間中都會塞人既情況羅
而且大家係個山到會互相大叫"加油"，都几搞笑
結果千辛萬苦，終於係日出前去到華山東峰頂.........
但係...........點知................唉............
個日好大霧.......睇唔到日出..............頂......灰爆左
所以我都係訓陣好d................
Day3完
待續~華山遊.
