沙巴~Day4 Padas River Rafting

Day1 Day2 Day3 Day4 Day5

今日去玩激流，我期待既節目之一

Sabah有兩條河可以玩激流
分別係Kiulu River & Padas River
Padas River 比較遠，但比較急d
Kiulu River 近d，但網上評語係似漂流多過激流....
好動既我地梗係揀Padas River，難得大家都唔驚三個鐘既車程....

巴士


首先我地搭左兩個鐘車既大巴去到一個類似發電站既地方
跟住穿過去就到一條火車軌，係個到己經有一大班人拎住支棍等緊我地
原來係用人力車，將我地送去出發點，支棍就係用黎橕架車向行
因為大部份都係落斜，只有小部份係平路
所以佢地都唔係要橕足全程，但平路個陣都橕得几金下.......

人力車


去到出發點，briefing 完攞齊裝備就出發
第一件事就係做咕喱，托架艇落河......好重....
我地四個人，同另外一對香港情侶同一架船
去到一個水流無咁急既地方，要落艇遊水，練習下點樣爬返上艇，呢個技巧之後好有用呢.....

Briefing


我地架艇去到一個叫"WASHING MACHINE"既急流既地方，
D GUIDE話有五成機會反艇，點知我地架艇真係中招
我記得我座船頭，睇住架船被個浪沖到90度真立
知道反梗，所以我自動鬆手、彈開，飲左几淡水，浮返上面個陣，己經得番自己一個係條河都漂流，只係見到同行既另外一架既艇

後尾聽番友人講，原來架船反個陣，有几個人困左係船底
但D GUIDE好快就反番架艇，所以無事
同埋附近有架Kayak，全部人都可以攬住，但我諗個陣個場面應該几搞笑
四五個人攬住一架kayak......

之後個guide 巡例問我個fd "Are you OK?" ....我個fd竟然答 "No, I'm not OK"
我笑左几日.....

反艇連環圖


玩完激流，又搭番兩個鐘頭車返番KK
沐浴更食之後，又去左食海鮮，正呀
但竟然叫一個蠔餅唔夠，要叫兩個.....我呆左.....

海鮮餐