廣州五羊像
一早火車上深圳，再搭和諧號去廣州，係東站寄存行李，就去上下九步行街食Lunch，順便行左一陣。跟住去白天鵝賓館附近，但個到大裝修緊，乜都睇唔到，即刻轉的士去越秀公園，行上山，去左廣州地標 – 五羊像，影張留念照，就返火車東站攞行李，答車去機場。其實，廣州只係搭單，因為廣州先有機去張家界，所以遊得好hae….
廣州機場比深圳機場大好多同靚好多，Check-in 完就去真功夫食飯，之後上機，個零鐘就去到張家界。一落機超凍，攞完行李，即著番晒帶黎既杉，之後先知原來凍到得一兩度….
但落左機先發覺係香港print 既資料，留左係飛機到!! 仲要俾人當垃圾扔左….
唉…其實呢個旅行程，黑仔既事只係剛剛開始發生….
跟著搭免費大巴出市區，落車例俾人圍，無理，搵的士去青年旅舍。的士佬例牌叫我地唔好去青年旅舍，話有住宿介紹，照舊無理。
去到青年旅舍，第二個壞消息就黎，Reception哥哥話張家界山上早几日太大雪，馬路結冰，由袁家界去天子山既環保車停駛，如果要步行過去既話，需要四至五個小時，換言之，我地今次只可以去其中一邊既景點。呢個消息，完全打亂晒原定既行程，亦將我地既心情打落谷底...Reception哥哥既總結 – 我地黎既時間不對…唉
夜晚去左附近掃街，初嘗湖南的辣。炒飯個位師傅之前係深圳打過几年工，所以聽得明廣東話&廣東式普通話。其實係湖南，好多人都去過廣東打工，都識聽小小廣東話，所以去湖南旅行，唔好以為人地聽唔明我地講咩…
Day1 Day2 Day3 Day4 Day5 Day6
0 留言:
發佈留言