今日原定行程係去楊家界，再過天子山住一晚，明天才下山，但大雪關係，無環保車去天子山，步行的話要差不多五個鐘，無耐改變計劃，遊覽完楊家界便落山，直接去鳳凰。
一早起身，竟然見到藍天!!快快梳洗，食早餐，趕去青年旅舍附近的望橋台，終於第一次見到張家界的景色，同埋終於明白望橋台是指該觀景台係可以望到天下第一橋!!
跟住起程去楊家界，原本有環保車，但因為大雪關係，環保車停駛，又要自己行過去，行左一個多小時既馬路先到達烏龍寨。
去到烏龍寨後，個天又變得好大霧，乜都睇唔到…。之後，沿途行去天波府，其間d路都几險要，猶其係天波府的觀景台需要行過吊橋、爬梯上，小d膽都未必敢行。天波府呢段路係好值得行，如果天晴的話，我想風景應該會不錯，只可惜我地無緣見到…
去完天波府後，我地又再次行一個多小時的馬路返去青年旅舍，執拾好行季，便準備落山。經過琴日午飯經，我地打死都唔係青年旅舍食飯…沿馬路行返去天下第一橋時，途中睇到一間「老土餐館」，午飯就係到個到搞定了。
但無奈的事又再次發生，我地一出餐館，準備落山時，竟然見到藍天，霧氣已經散了….我地猶疑應唔應該多留一天，但如果多留一天我地又唔知可以去邊，又無車去天子山那邊，楊家界又已經行過，我地又唔想行馬路返去青年旅舍，而山上天氣變幻無常，一陣間又出霧未大鑊…..
結果我地選擇了離開，但直至我地經百龍天梯、環保車去到武陵源的大門，返到張家界市，個天仍然係好藍………
其後，我地一致認同，我地今次應該係「無黎過張家界」的….
返到張家界市，去旅舍執好行李，就趕去火車站座車去吉首。到吉首已經好夜，無去鳳凰的班車，但我地都唔太想留係吉首，決定座的士趕入鳳凰。
跟住，黑仔既事又黎…我地去到鳳凰，即刻俾沱江的景色嚇親，條河乾左塘，水底既綠色海草、垃圾露晒出黎，好核突，同係照片上睇到既境色差好遠…後尾問人，原來上遊水庫做緊工程，截左水…….
己經好夜，搵住宿，搵到間叫金水岸客棧，三人房連望江露台、網線，$90，雖然裝修無咩特色，但房間大、乾淨整齊，值得推介。
望橋台
去烏龍寨路上
天波府
神兵聚會
Day1 Day2 Day3 Day4 Day5 Day6
0 留言:
發佈留言