一早起身，係附近食左個shit麵做早餐。跟住搭的士去汽車站搭車去張家界森林公園入口。一落車又例牌被人圍，今次d人係叫我地買d禦寒衣物，我地無買到只係一人買左一隊草鞋，因為我地之前搵左資料，山上行雪地，有草鞋可以防滑。
另外又有個人，叫我地請佢做導遊，因為我地之前商量過唔需要導遊，我地同佢講左几包，佢就跟左我地成三個字先肯離開呢…
之後我地就進入張家界森林公園，沿住金鞭溪遊覽，途中可以由下而上望到張家界既奇石，都几壯觀。可能係冬天枯水期，金鞭溪水量好小，加上淡季，得好小遊人，可以靜靜地欣賞。
步行去到千里相會，望住步行上袁家界既長樓梯，大家一齊淆底，選擇步行去水繞四門，再轉環保車，坐百龍天梯上袁家界。百龍天梯對面就係出名既神兵聚會，可以一邊望住奇景，一路搭lift上，但上到山頂時，就只係見到一陣大霧，神兵聚都消失係迷霧中…。其實之後成日都係咁大霧，乜都睇唔到….
離開天梯，再座環保車去天下第一橋，之後就步行去青年旅舍。其實，正常時間，環保車係可以直接去到青年旅舍，什至係天子山個邊，但因為下大雪，環保車只係去到天下第一橋，其餘既，都要靠自己慢慢行…..如果行左成個鐘先到…唉
去到青年旅舍己經三點，先食午飯，套餐30蚊一位，但只係得青菜，有點被宰既感覺…跟住去左青旅附近既望橋台，乜都睇唔到，只係睇到好大霧…對住咁既天氣，大家都無晒心機，唔想再行，決定打道回旅舍休息算…夜晚係旅舍鬥地主、睇電視過左一晚
金鞭溪
係大自然既鬼斧神工之下，人係几渺小...
金鞭溪 猴子
山上用草鞋
山上很大霧
Day1 Day2 Day3 Day4 Day5 Day6
0 留言:
發佈留言