晚上趕上深圳搭十一點晚機
零晨時份抵達杭州，搭機場巴市到市區(證實機場大巴係會等到最後一班機降落)
再轉的士到杭州明堂國際青年旅舍
因為明天會趕早車去黃山，只選擇了六人床位，每床$40
同房的人就慘，被我地係零晨一點鐘吵醒...SORRY~。
從香港出發一直都趕時間，到杭州先食晚飯，去左旅舍介紹既路邊攤檔。
零晨時份，座係路邊的櫈仔，對住隔離名車展廳，食炒麵、串燒，別有一番風味呢。
返到旅舍，熱水只係到一點鐘...結果仲左一個好精神既凍水涼......
係旅舍訓左三個小時，就趕去杭州西汽車站，搭公車去黃山
不過早上的杭州很美，係西湖邊的南山路，兩旁都種植著柳樹
加上早上的霧氣，整潔的街道，新式的建築物
我同友人都覺得重回杭州時，要慢慢欣賞這個美麗的城市
去黃山屯溪市的五個小時車程，不斷看到路旁的油菜花，開始懷疑專程去婺源看油菜花值得嗎??
去到屯溪市汽車站，例牌被人圍，同友人衝開人群，去到一個清靜地方商討去向
其實行程原定包車遊黃山附近既宏村、西遞，再到山腳湯口鎮住一晚，明天一早上山
網上資料說$200就可以包一天車，同其中一司機講價途中，突然殺出一位人兄用廣東話同我地講"跟他走"
咁我地就跟佢走啦，原來佢係來自廣州，想話俾我地知有公車去宏村、西遞，可以唔駛包車
其實我一早知，但只有去宏村的公車，但無公車由宏村去湯口麻....
同果位廣州人兄商討時，突然又殺出兩名女生，問我地係咪包車，係就一齊併車，但總共五個人點包...??
再傾下時，原來果位廣州人兄計劃留係屯溪市，唔去湯口(早講啦)，同埋我同友人都覺得佢KAY KAY地
最後都係放棄果位廣州人兄，搵返兩位女生，一齊包車，遊宏村、西遞!!
一輪講價戰後，結果要$220，香港人既議價能力....係底D...
係車上，認識下同行既兩位女生，一位叫芬，一位叫巧，
兩位都係來自寧波，一個係杭州讀緊醫，一個係上海做緊Big4
同埋發覺黎緊三日既行程一樣，都是準備明天一早上黃山，在山上住一晚。
順理成章，一行四人就結伴遊黃山了。
今次包車既司機是一位老粗，講野大大聲，對面街都聽到，係車廂裏佢一講野真係差唔多耳鳴，但也很率直製造不小笑料。
當佢知道我地會去婺源，就說佢之前車過一個荷蘭遊客去過婺源，話唔值得去，而且今年油菜花開得唔好....令到我地原定既計劃開始動搖
而且佢又話宏村同西遞差唔多，兩個地方門票又貴，去其中一個就可以，結果芬同巧都俾佢打動，變成只遊宏村....
到了宏村，先在村口食午飯。同行的芬和巧很努力跟老闆講價，原來餐牌上既價格，係可以打折...30元既小菜可以講到15元，厲害!!
進了景區，雖然很多遊人呢，但被村口的湖同倒影吸引著，拎住部相機狂影，不過第一次用單反，影出黎既質素很一般呢...
村外的湖
村內的湖
村內的小食
雖然宏村不是很大，但週圍影下相，買下野，就遲過跟司機約定既時間，在村口被佢鬧，話我地無信用遲到，但其實無去西遞都幫佢慳左兩三個鐘啦!!
去到湯口鎮，原本訂左很出名既遊豆腐客棧，但因為只有一間雙人房，所以就四個人一齊出去搵住宿
搵到間叫遊江南客棧，標間$60晚，不過條件就勉強可以接受既...
之後就一齊研究行黃山既行程，打探之下西海大峽谷和天都峰都仲封緊，數天後才重開...
同行既人都好無奈，因為西海大峽谷係黃山既精華
而且我一早都知道，打算將行程掉轉，先去婺源，就可以在西海大峽谷重開時才上黃山...
但無奈友人網上查天氣報告，黃山只有這兩天再天晴，而且誤信他人說西海大峽谷己經重開(其實只開左入大峽谷的一段路)，堅持要先去黃山才去婺源
或者，注定我真係要黎多次黃山...
晚上先去購買物資上山，買左必備既杯麵、水、零食、同埋一個可以自己煮熟既飯盒，其實呢d山上都有得賣，不過貴很多呢
之後在住宿處食飯，同巧、芬一齊有講有笑，之後仲係房到玩"拑綿胎"、"非洲話事啤"，玩得很開心。
雖然明天要一早起身上黃山，都玩到兩點几先訓呢...
呢次黃山之旅，有巧同芬既相伴，為我地增添左唔小既歡樂呢~~
Day1 Day2 Day3 Day4 Day5 Day6 Day7
0 留言:
發佈留言