一早起身，但李舒同娟比我地仲早，結果要佢地等呢
今日會包車走婺源既東線，因為李舒、娟下午就要離開，趕回濟南
所以只會去到江嶺，放棄比較偏遠既慶源
包車既司機，係琴日係清華鎮車我地返紫陽鎮既司傅
回程時，李舒、娟係咁同司機講價，例牌話”我地係學生，沒錢”…雖然我地唔係
相信由佢地出馬，講既價錢應該係最低價了~
首站係月亮灣，係去北線馬路途中既一個景點。
就正如其名字一樣，呢到有几個小島呈月亮既形狀
配合島上油菜花田、柳樹，加上湖中既倒影，景色真的不錯
但要看清楚呢到既景色，就一定要走上馬路旁一段梯級，
步行約十分鐘，去到一個觀景點，就可以睇到整個月亮灣
月亮灣
睇完月亮灣，我地直接去江嶺了。江嶺最出名既就係一望無際既油菜花梯田。
去婺源前，我最期待既地方就係江嶺，而決定去婺源最主要都係因為江嶺...
但今年的油菜花比較稀薄，同照片上看到既厚厚的好唔同，
聽司機講，係因為今年天氣比較凍，油菜花收成比較差呢...
原來係黃山個位司機無扼我地，今年婺源既油菜花真係比較失色
雖然係咁，但江嶺一層一層既梯田仍然好靚，係去婺源必到既地方呢
江嶺
係江嶺玩左一陣，就去下一個景點 - 曉起。
去到曉起村口，己經中午了，係村口其中一間土菜館食晏。
我覺得曉起呢名好靚，好有詩意，所以對曉起都有寄待...
但入村參觀後，只感覺到濃烈既商業味道，完全無詩意可言
而印象最深刻既，只係一條特別開闢既手信街，每一間都賣同一樣既手信....
曉起，真係好令我失望，所以我地只係隨便係村回行左一陣就走，去下個景點 - 江灣。
去婺源之前，上網搵資料，己經知道江灣無咩好睇，只係包左車又路過，順道參觀下。
一如網上既資料，江灣係江澤民既家鄉，所以成條村都是新起...所以無咩好睇
但無可否認，門口新起的祠堂都几壯觀。
江灣
在村隨便行左陣，就出發去最後一個景點 - 李坑。
李坑的遊人很多，因為它很近縣城紫陽鎮，差不多全部旅行團都會黎呢到。
雖然李坑都己經好商業化，但李坑環境比較美，有一條大坑實穿全村，感覺較曉起、江灣。
原本打算係李坑留宿一晚，希望等遊人離開後，在晚上、清晨時間好好感受呢到既環境。
無奈，友人話，呢几日睇農村己經睇夠，想早點回杭州，所以決定返紫陽鎮，睇下有無車可以返杭州
係李坑行左一陣，睇下相，買左几包即製薑糖做手信，就離開了。
李坑
返到紫陽鎮只係三點多，比原定的早了很多。
先去汽車站找車離開，李舒、娟找到車去景德鎮，再轉火車去南京。
而我地亦有長途車出發去上海會停杭州。
李舒、娟既車早我地個多小時先出發，我地係車站依依不捨咁送別左佢地，
就去附近既網吧hae左陣，就上車出發去杭州。
而婺源之旅亦正式結束了。
總括婺源之旅，最值得去既地方係思溪、延村。油菜花季節，江嶺係必去。
至於，清華、李坑亦值得一遊。曉起、江灣就唔去都無捐失呢...
係去杭州車上，剛好隔離一對來自北京既情侶都係去同一間青年旅行，
我地就一齊併車打的了，之後的杭州遊，都撞到佢地几次呢...
Day1 Day2 Day3 Day4 Day5 Day6 Day7
0 留言:
發佈留言