只係訓左几個鐘，零晨三點起床，因為友人想係日出前影星星
係兩隻眼都未打開既狀態下，摸黑行左十五分鐘既樓梯，去到光明頂
冒著嚴寒(應該低過零度)，用差唔多凍僵既手，set好架橕，較好角度，第一張試曝30分鐘
剛好曝光左一半，第一隊看日出隊伍到逹，用電筒照左鏡頭一下....
跟住第二、第三隊、第四.....都用電筒照下....結果...星星相變左電筒相....shit!
影唔到星星，等睇日出，結果天光都見唔到太陽
聽人講，有人去左五次黃山都看唔到日出日落
我地第一次己經睇到日落，己經好好運....
早上既黃山雖然無落雪，但係樹葉、樹枝上都結左一層霜
我覺得好靚，好特別
之後返賓館，食早餐，早上去西海大峽谷唯一開放既一段路
沿途可以睇到大峽谷景色，遠看己經很壯觀，很遺憾去唔到呢
我諗，為左西海大峽谷或者睇多次日出日落，都值得黎多次黃山
呢段路一直向下走，脫離左山上既霧，終於可以睇到黃山既真面目
黃山最出名除左雲海、日出，仲有奇松、怪石，今次可以見識埋呢~
最奇特既係黃山松樹，它們都生係懸崖上，係岩石上生長出黎
原來黃山松的根會分泌一種物質，溶解岩石，再吸為養份... 厲害
(有興趣可去呢到睇多d黃山松既介紹 http://baike.baidu.com/view/291598.htm)
到過黃山就會明白咩叫"無處不石，無石不松，無松不奇"!!
奇石、奇松
黃山路
去到步仙橋既一個觀景臺，睇到連綿既山脈
望住封閉左既西海大峽谷既門口輕嘆後，就原路折返白雲賓館
步仙橋
觀景臺
觀景臺看到既景色
封左既西海大峽谷
食完午餐，執拾完行李就步行落山
途中經過鰲魚峰、一線天、迎客松、蓮花峰、天都峰
蓮花峰係黃山最高既峰，但正在封閉休養，而天都峰聽日先重開，所以上唔到
天都峰
因為巧和芬要趕車返杭州，所以我地落山行得快，用接近跑既速度落山
到慈光閣轉公車返湯口鎮，黃山之旅就完結了
係山腳既旅館執拾完行李，就要同巧和芬分道揚鑣，
她們回杭州，我地就去屯溪住一晚，明天趕早走去婺源
雖然我地只係認識了數天，但係一齊玩得好開心呢，佢走既時候真係有d唔捨得
當我地離開旅館既時候，發生左一段小插曲
話說旅館老闆娘知道我地下站會去婺源，就話會幫我地安排車去江西既九江，到時再轉車去婺源
再細問之下，原來個架車係聽朝先開，其實佢只係想我地留係佢旅館住多晚
後來我看地圖，九江去婺源仲遠過黃山去婺源!!好彩我之前有做資料搜集
知道屯溪市大直車去婺源，拒絕左佢既"好意"!!
湯口鎮
搭車去屯溪市途中，我地又認識左兩位女生，叫娟和李舒
佢地參觀完黟懸附近既農村，但無上到黃山，準備去屯溪轉火車去南京，再回山東
但傾傾下，原來佢地對於婺源都好有興趣，結果佢地就改變左行程，同我地一齊遊婺源了~
之後我地一齊搭車去老街，行左一陣，就一齊食晚飯
原來佢地一個來自廣西，一個來自福建，一齊係山東濟南讀書，而家係走堂出黎旅遊呢
做學生真好~
之後我地係老街影下夜景相，佢地就返旅館休息，相約明天早上係公車站再一齊出發
老街夜景
Day1 Day2 Day3 Day4 Day5 Day6 Day7
0 留言:
發佈留言