一早起身，搭的士去屯溪汽車站
係汽車站外的街邊檔食早餐，有雲吞、煎餃子，兩個人都只係食左十零蚊
跟住join埋李舒、娟，就搭車去婺源了
約十點多去到婺源紫陽鎮，例牌落車俾人圍，無理到
因為我地要搵住宿先，出左汽車站，見到對面的有間叫"派拉朦"既酒店
入去問下價錢，一論講價，例牌話"我地係學生呢，無錢，便宜一點"
結果$120標間，睇過間房ok，跟住再去第二間酒店問，滿左，就返番黎呢間酒店，不想浪費時間呢
行返去汽車站，搵車搭，預定今日去北線既延村、思溪、清華鎮
過馬路時，有個的士司機係車到拉客，同佢講左陣價唔啱就無理佢，因為覺得汽車站會有更平
點知汽車站只係得摩的，因為驚安全既問題，考慮緊搭唔搭既時候，
突然剛才既的士司機殺左出黎，仲開左個好吸引既價，叫我地搭佢架車...
原來佢將架車泊好，就入左黎搵我地.....見佢咁有誠意同埋價錢又ok....就跟左佢上車
第一站係延村，去到景點門口，一定要買$180既通票，包左大部份婺源既景點
我覺得好貴，同埋我地之後去既景點，好多地方我地都會唔小心咁逃左票
而張通票好先進，要登記手指模，每次入景點都要對手指模...
延村係一個比較破舊既農村，而且遊人不多，十分寧靜
一進村，睇到既係一遍遍農田，而農夫就拖著水牛在耕種，四週都是盛放既油菜花
四處遊覽時，還傳來一陣陣農村獨有的牛糞氣味…
遊覽完婺源後，發覺只有在延村才能真正感受到農村風味，其他的己經變得太商業化
雖然在延村沒有一個特別靚既景點，但我還是很喜愛它的真實
延村
遊覽完延村，己經差唔多一點多，步行約三十鐘，去另一景點－思溪，
途中經過一個土菜館，隨便食完午飯，就繼續行程了
思溪雖無延村那麼破舊，遊人都比較多，但仍保存著那種農村風味
而且有几個好靚既景點，係明信片上見到既風景，同友人拿起相機，就忍唔住不停咁影
總括黎講，思溪都值得一遊呢
思溪
離開思溪時，係村口搵車去下個景點清華鎮，但只係得摩的
一輪講價後，佢地只係送我地去大馬路，再截車去清華鎮
而且佢地介紹左一個係清華鎮路上既景點 – 長灘
就係咁，第一次搭國內流行既摩托車的士，不過真係有d驚，因為之前聽過好多關於摩的既意外
平安無事去到大馬路，截左經過既農村小巴，每人只需兩蚊
但情況好惡劣，架車勁殘，d座位勁污糟，而且座係後面既大叔不斷咁食煙
我地一真都只係企係到，唔敢座呢。
約十分鐘車程去到長灘，己經有唔小遊人係到影相
呢到既風景几靚，隨手都可以拍到名信片式既相，但可惜有數條電纜橫空架著，影響左個景觀呢…
長灘
之後再截農村小巴去到清華鎮，遊覽出名既彩虹橋
彩虹橋係一座石造橋，好像己經有好耐歷史，但唔係特別靚，只是到此一遊吧
彩虹橋
離開時，發生左一件不幸既事情，我唔小心將部電話跌左落河到…
我正猶疑執唔執既時候，李舒二話不說就除鞋幫我落河執番上黎
神奇地，返番香港，部電話乾左之後，竟然仲用得番!!
真係好多謝李舒呢~
遊覽完彩虹橋，我地就搭車返番紫陽鎮，搵左一間爆滿既餐廳食飯
因為之前几日都無淡好食，呢餐我地準情咁叫，大魚大肉，仲叫埋啤酒
飲左兩杯，大家就咩都講咩都傾，愛情、前途、家人等，
這種旅途上既交流，亦是旅行既一大樂趣呢
Day1 Day2 Day3 Day4 Day5 Day6 Day7
0 留言:
發佈留言