七點多起床，老闆娘一早為我地準備好麵條做早餐
趕快食完，就搭預早約定的的士，向黃山出發
路線圖 - 紅色第一天，藍色第二天
圖源: 遊豆腐 (http://www.youdoufu.com/)
今次上黃山，選擇了比較多人推薦的路線
首先後山(雲谷寺)搭索道上山，先遊始信峰，再到酒店放下李，食午飯，下午再遊覽黃山
明天上午繼續遊覽黃，中午經前山(慈光閣)步行落山，有體力一般會順道登上天都峰
係湯口鎮，沿'之'字型登山公路上黃山，途中己經開始落雨，
聽司機講今天上山會落雪，有機會睇到雪景
到雲谷寺下車，己經看見一團團的遊客，路旁有很多人兜售雨具，但比山下的湯口鎮貴很多
搭索道，山上真的在下雪呢，黃山的雪景好出名，而且真係幾靚，今次真係意外收獲~
阿b睇到雪景特別興奮，因為只係得佢無見過雪。不過山上很大霧，睇唔清黃山呢...
之後上始信峰，經白鵝嶺、光明頂，到白雪賓館放下行李
黃山的雪景、松樹
由於只係住床位，午飯係賓館大廳既梳化上搞掂，食自己帶上黎既杯麵、麵包，真係無淡好食....
之後去飛來石，去東海，上了獅子峰
其實行左成日都沒咩好睇，因為成日都好大霧，咩都睇唔清楚
大家都好失望，而且都唔寄望睇到黃山既日落、雪海
當大家行返去光明頂，開始見到久違了既藍天同太陽，大家都覺得仲有一點希望
霧中的飛來石
霧中的松樹
黃山路
終於見到藍天
一半藍天，一半霧
去到光明頂時，估唔到真係可以見到雪海同埋日落!!
霧氣就好似俾太陽既驅散咁，雲海、日落都清淅展現眼前，大家都好看呆了，因為實在太美了
看到咁靚既景色，上山的辛苦、勞累全部都是值得!!
自問都叫去過唔小地方，世界聞名的希臘Oia日落亦看過，但黃山既日落一定不比Oia的差!!
左蓮花，右天都
蓮花峰
飛來石
雲海，路
駐足細看
留意右下角，有個細小彩虹，內地人叫煙火
日落
日落後，返白雪賓館，晚餐係酒店既餐廳豪食，大家一齊有講有笑，好開心呢~
返房，沖涼之後就訓，因為聽日要三點多起身，嘗試影星星同睇日落...
Day1 Day2 Day3 Day4 Day5 Day6 Day7
0 留言:
發佈留言