今日主題係遊西湖
離開青年旅舍，首先就去租單車
雖然西湖旁係唔可以踩單車，所以步行遊西湖係最好既方法
但用單車代步，去唔同既地方都好方便呢
跟住踩單車去清河坊附近既高銀巷食lunch
又再次豪食，點左杭州既名菜，例如龍井蝦仁、東坡肉、西湖醋魚..
之後踩返去西湖旁，放好單車，就開始遊西湖
杭州既西湖真係好靚，可能西湖係杭州主要景區，所以管理得好好
杭州旁既南山路，種滿柳樹，垂著一條條既揚柳，加上四週都係盛放既梨花、桃花
而且西湖區十分乾淨，感覺好似去左日本咁，一點都不像國內既城市
所以遊西湖，感覺好舒暢呢~
我地係西湖旁行左一陣，就搵左架人力船，係湖中蕩左一陣
跟住搭船去西湖中心既三潭印月，之後去太子灣公園
晚上，突然興起，係杭州既街道上踩住單亂咁去，黎過另類夜遊杭州
西湖
Day1 Day2 Day3 Day4 Day5 Day6 Day7
0 留言:
發佈留言