今日趕六點的早車去稻城，早上四點半就要起床。今天12個小時的車程，加上昨天的八個小時，一共要花20多個小時去稻城！
天都未光，車就開始出發了，係車上大家都好眼訓，昏昏欲睡。離開康定後，車就開始沿之字的公路爬過4298米折子山埡口，大家本來都好眼訓，但沿途的美景實在太靚了，大家都趕著攞相機出黎影相，睡魔已經一掃而空。
翻過折子山後，就到了新都橋，這段路都好靚。係十點半，大巴就停係一個地方俾乘客食午飯，同昨天一樣，大鑊餸、大鑊飯，又貴又唔好食！但今日我地七個人熟絡左，圍埋一齊食，傾下計，都几開心的。只係未食完，司機就催著出發！
過左新都橋後到理塘的路況很差，基本上都係土路，加上大巴司機唔錫車，凹凸位都高速駛過，”登”得好勁，屁股受罪！
沿途風光仍然好靚呢~不過搭班車唔會停，無得影相， 只可以睇，同用心記著....
之後，係新都橋去理塘呢段路，要翻越數過海拔4400米以埡口，分別為4412米的高爾寺山埡口、4659米的剪子灣山及4718米的卡子拉山。係最後翻越卡子拉山口時，可能體力因長途跋涉而下降，同車的人都開始出現不同的高山反應症狀，而我都感覺好暈，呼吸不暢順，而且有想嘔的感覺，但剛好車停下來休息，我下車走一走，呼吸一下新鮮空氣就好左好多。但同車的劉濤高山反應特別厲害，下車嘔完之後，係車上都繼續嘔，而且面青口唇白…睇上去好辛苦呢…
過了卡子拉山後，大巴就到達4014米的世界最高城 – 理塘。小休之後路就又再開始出發，翻過最後4696米的兔兒山埡口及4690米的海子山埡口，就到逹稻城了! 屈指一算，今日總共翻過了六個4200米以上的埡口!!
其實，理塘去稻城的路況好好多，基本上都係柏油路，可能因為稻城發展旅遊關係，路修得較好，而且我覺得呢段路係風景最美的一段，所以我就沒有很大的高山反應了。
路上，大家講起稻城會起緊機場，到時去稻城方便好多，但又有能因為咁，變得更商業化呢....跟住又講話不如去稻城開飯店、旅館，應該會唔錯，總之就九唔搭八亂吹一餐啦....哈哈
巴士大約係六點到逹稻城，我地一行七人就去一早預定好的稻城媽媽青年旅舍。晚飯去左旅舍介紹既川菜館，基本上之後係稻城既午餐同晚餐都係呢到解決，因為平得黎又有水準!!
晚上大家就商議係稻城既行程，我原本打算係明天就直接入亞丁，但最近兩天天氣不好，而且聽日附近既雄登寺有開光儀式，據閒呢d儀式十年難得一遇，而且劉濤的高山反應十分厲害，小貓又有啲感冒發作，最終決定先留一天稻城調整。聽日早上去雄登寺，下午去稻城附近的傍河、色拉，後日才入亞丁!!
返到房間，準備沖涼時，開始覺得有d頭痛頭暈，應該係高反了，即刻唔敢沖涼直接訓覺!! 希望能平安渡過第一個高原晚上…
天都未光，就開始爬折子山~
前言 Day0 Day1 Day2 Day3 Day4 Day5 Day6 Day7 Day8 Day9 Day10
0 留言:
發佈留言