光與影．稻城縣城
秋色．稻城縣城
今日係交通日，早上八點係稻城出發，司機大哥係食早餐既時候，係同行到接左一團同樣返新都橋既遊客。而其中一位司機琴日唔夠訓，請左位槍手黎幫手開車，而槍手係亞丁村某旅舍的老闆，之前開大巴行318國道，佢手車真係無得頂!!
面包車沿S217省道駛向理塘，今日天氣好好，晴空萬里，其中有一段上坡路，路的盡頭即開始下斜，配合著天空的白雲，從路上看，感覺是一條駛向的天空的路，印像好深刻。
通往天空的路
稻城去理塘的路上
過左理塘，轉上318國道，又係無盡的碎石路，而槍手既技術即刻表露無違，佢總可以係眾多碎石中，揀到最唔dun既路駛過，途中換司機時，即刻可以睇到技術既分野。
車駛過雅江時，由於另外一車要稍作修理，所以停車食左遲來既午餐，如果唔係，佢地好似無諗過要食午餐。結果就因為呢一停，我地就困左係一大隊既卡車之中，係灣位到見到前面一排數之不盡既卡車，真係呆左...
(後來，看到國內的紀錄片，原來佢地就係有名既「川藏線汽車兵」，有興趣可以睇: http://v.youku.com/v_show/id_XOTY1MDY4MA==.html )
幸運的是，某個灣位發生交通意外，一大隊既卡車整齊排列係路邊等待，我地既司機一於唔理士兵的阻攔，一次過駛過全部卡車，並且順利通過意外地點！！但之後既車，我地就唔敢想像，聽說在川藏線塞車可以塞好几日，係飢寒交迫之際，商店會乘機宰客，一個杯麵可以賣到$30…
過左個一大隊卡車後，大家心情輕鬆起來，好似小學生去旅行咁，一齊唱歌，哈哈。約晚上六時，到達新都橋。
總括黎講，呢程車比去程舒服多了，一來已經適應左高原，二來全車得五個人，比座大巴舒服多。
到新都橋後，第一件事就係搵住宿，有間藏式民宿，環境不錯，但我地俾「無間隔一字排列踎厠」嚇親，後尾去第二到，揀左間類似酒店式既標間。
一早就聽說新都橋係「攝影天堂」，想像中，新都橋應該係一座好美麗既縣城，但去到只見到爛撻撻、烏煙瘴氣既景況，何來「攝影天堂」？？
後來打聽一下先知道，如果「攝影天堂」係指新都橋縣城向康定方向的其中一段路，並非縣城本身，亦即係我地去程時，天未光就走過既一段路... 無奈，我地下一站去丹巴，將會錯過「攝影天堂」這段路呢。
晚上隨便搵個地方搞定晚飯，同另一車人約定好聽日併車去丹巴，係房間玩陣鬥地主，和小貓聊天，矇矓中就訓著左...
前言 Day0 Day1 Day2 Day3 Day4 Day5 Day6 Day7 Day8 Day9 Day10
0 留言:
發佈留言