初秋．稻城、亞丁 ~ Day8 丹巴→成都

前言 Day0 Day1 Day2 Day3 Day4 Day5 Day6 Day7 Day8 Day9 Day10

早上五點就起床，搭車去縣城趕六點早車返成都。大巴先沿大渡河一直南下至康定，再次走上318國道，經過沙塵滾滾既瀘定，係天全縣停，食大鑊午飯，到雅安市後就轉上成雅高速，直奔成都。約四點到成都，全程十小時。

到成都車站後，打車去驢友記青年旅舍，初次體驗係成都找的士既難處，行下等下，半個鐘之後先上到的士。

去到旅舍，第一時間沖涼、洗衫，感覺好似重返文明，哈哈。搞掂晒已經晚飯，聯絡上係稻城高反嚴重既劉濤，原來佢地琴日己經到成都，就相約一齊去打邊線爐~

劉濤返到成都後，所有高反既徵狀都無晒，面色變返紅潤，回復生氣勃勃既樣。雖然佢地遲我地一日離開稻城，但佢選擇左同其他人併車，即日由稻城趕到成都，全程約20小時，4點鐘出發，約12點到達成都，比我地仲早一日到成都。

飯後，一齊去左錦里閒逛，之後去埋佢地既夢之旅青年旅舍參觀，但大家都感覺有點不捨，再相約明天一齊食午飯。