2010年11月29日星期一

初秋.稻城、亞丁 ~ Day0&1 香港→深圳→成都→康定

前言 Day0 Day1 Day2 Day3 Day4 Day5 Day6 Day7 Day8 Day9 Day10

Day 0 香港
深圳→成都

夜晚6點,準時放工走人,去佐敦搭直逹深圳機場的大巴。

沿途好多人望住我,因為我個backpack咩上身仲高過我個頭....

搭7點開出的直逹車去機場,車公司話車程1小時20分,但結果要九點先到機場,我地座9點45既飛機,差啲趕唔到!

到成都後,座大巴去市中去,我們一早預訂好交通青年旅舍,因為就係新南門汽車站旁邊,方便聽日搭車!

Day 1 成都→康定

今日搭十點去稻城的大巴,車程要兩日,會係康定停一晚,聽日再去稻城。去到新南門車站,好多人排隊買飛,不過我地一早買左飛,可以直接上車。

見到架大巴,好舊好爛!! 附近任何一架大巴都比佢新… 而我地仲要係呢架車座足兩日車程….

上車發覺架車只係座左七八人,座唔滿,跟住一個陌生的女生就同我地打招呼了,問我地係未去稻城,答案當然係啦~ 之後再上多几個人,就出發了,全車大概只係有十零人,七八個為背包客,其他就係本地人了。背包客們,聊了几句,問下邊到黎就沉默了…

大巴出了車站,就有十几個民工上車,一袋二袋塞滿了全車,雖然佢地講野大大聲,有d嘈,但佢地食完d生果、垃圾、吐啖都會扔係垃圾埇,睇黎中國應該係進步緊既~

聽說,成都去稻城這條路,途中有好多美景,但離開成都的風景只係一般,後來先知,原來全都集中係第二日車程呢~

大巴沿成雅高速,過了雨城雅安,就進入了「318國道」 – 即有名的川藏公路。之後大巴係天全縣其中一個類似食堂既地方停低食午飯,個度係d大鑊飯、大鑊餸,貴夾唔好食,隨便食啲野充飢就算….

下午大巴繼續出發,穿過全長8.5公里既二郎山隨道,就進入甘孜州了。之後大巴經過瀘定,沙塵滾滾,好像在建水力發電站,約莫下午六時就到逹康定。

下午呢段車程,各個背包客開始多d交流了。同車加埋我地總共有七個背包客,一對情侶來自西安,叫劉濤、靜姐。上車時搭訕的女生叫小貓來自蘇州,佢係成都認識左香港既Ted兄,一齊搭車去稻城。另外一位係來自廣州叫姚禮林。

到康定後,劉濤同姚禮林都不約而同預訂了新登巴青年旅舍,咁我地四人就跟住佢地,一齊去新登巴住,之後大家約定好時間,晚上一齊出去食飯~

我同友人趁食飯前的空檔時間,係康定閒逛左一陣。康定整個縣城俾一條河貫穿,成個縣城感覺很城市化,而且商店林立,國內很多有名的牌子係呢到都搵到,想不到係山區地帶會有一個咁既地方!!

返到旅舍,小貓同兩名陌生的女生傾緊計,原來佢地係來自上海,係康定住了兩三日,明天就會離開。佢地好熱情咁帶我地去一間佢地推薦飯店食飯,個到真係又平又好食,飲埋啤酒,一人都係廿零蚊人仔!!

晚餐上,就互相自己介紹,講下自己的家鄉,猶其係小貓,講起家鄉蘇州時就會眉飛色舞,羅列出各種家鄉的特產,睇黎佢應該好熱愛佢既家鄉呢~大家傾下傾下,發覺都几投契,好多歡笑,慢慢地就形成左我地呢個「大巴七人團」,往後好多時間我地七人都係共同進退呢~

晚飯後,大家返回旅舍,又繼續天南地北咁吹水,最搞笑係小貓叫我地買包M巾,話如果行山鞋入左水,晚上放張M巾入去,可以吸乾晒d水喎,仲話呢個係戶外的基本知識….哈哈,真係未聽過羅…..

P.S 本來我地以為在旅途上,很容易就會遇到投契既人,但其實並不必然的。在其後既旅程上,遇到的其他同路人,令我地發現,能夠遇到投契既人,組成呢個「大巴七人團」是十分珍貴的。


繁榮的康定


前言 Day0 Day1 Day2 Day3 Day4 Day5 Day6 Day7 Day8 Day9 Day10

4 留言:

winwin 說...

你好, 我們下月24號至10月4號去稻城亞丁, 4人包車, 也打算去洛絨牛埸看日出和徒步牛奶海、五色海. 希望住沖古寺, 較省體力
1. 請問可否告之你說的那間康定推薦飯店名字嗎?
2. 請問如何Book沖古寺? 有藏民夫婦佣忠同多吉contacts嗎? Thanks.
3. 你極喜愛的丹巴也很吸引我們, 我們打算用最後4天3夜玩丹巴 (或丹巴+四姑娘山)? 你建議一定要住藏寨. 容易Book藏寨嗎? 交通出成都方便嗎? 有沒有其他建議給我們?

我們行程
1 深圳-成都-雅安—康定
2 康定-新都桥-雅江-理塘-稻城
3. 留稻城(傍河、色拉、桑堆)
4. 稻城→亞丁
5. 亚丁-日瓦-稻城 洛絨牛埸看日出和徒步牛奶海五色海
6.稻城-雅江-理塘-新都桥
7. 新都桥-塔公-丹巴
8. 丹巴
9 丹巴/四姑娘山
10 四姑娘山-成都
11 成都-深圳-香港

winwin 說...

EMAIL: winwinco@yahoo.com.hk

Freeman 說...

check email, hope can help you!!

Unknown 說...

你好!謝謝你的分享!很詳細的旅誌,增加我旅程的概念!
今年十月我也計劃去稻城,也想在沖古寺留宿,所以想問你可否給藏民夫婦佣忠同多吉的聯絡方法!
謝謝!
以下是我的email: hmscarol@yahoo.com.hk

發佈留言