2010年11月21日星期日

初秋.稻城、亞丁 ~ Day9 成都

前言 Day0 Day1 Day2 Day3 Day4 Day5 Day6 Day7 Day8 Day9 Day10

自然醒,已經午飯時間,趕快準備好就去酒吧一條街,會合劉濤、靜姐一齊食午飯。

之後,一齊去文殊院閒逛,但無咩好睇。久聞成都春熙路多美女,就改道去春熙道碰下運氣。結果,美女就睇唔到,反而遇上反日示威...街上有好多公安、武警,街上有一日本人被人發現,即刻被几十人圍住...

我地睇完熱鬧,就趕快離開,係附近食晚飯。晚飯後,劉濤就要去火車站,搭夜車返西安,大家都依依不拾咁留下聯絡方法,希望以後再有相聚既機會。

而我地就返旅舍休息一陣,準備今晚體驗一下成都既夜生活。休息時,認識到一位係北京讀書、生活左七八年既香港人,聽佢講一口標準、地道既普通話,真係好難估到佢係香港人。係佢口中講既北京,而家已經有好多香港人係個到搵機遇,周圍都係茶餐廳。無可否認,係大陸既機遇,一定比香港多呢...

而且咁啱佢都準備今晚夜遊,順理成章就約埋一齊去。出發時,發覺仲有其他人,而我被安排同三個外國人同車,兩個來自荷蘭,一個瘋瘋地,一邊搭車一邊食大麻既來自加拿大... 來自荷蘭既,對於國內人哇痰既習俗好驚訝,問香港會唔會係咁,我好肯定咁講一定唔會!

去到目的地,參觀一下間酒吧,氣氛好好,估唔到成都既夜生活咁正的,只可惜今日周末,無枱,無緣體驗一下。我地選擇轉去清吧飲酒傾計,飲到醉薰薰就返青年旅舍休息了。

成都春熙路反日示威

0 留言:

發佈留言