一早去附近既餐館，集合另一車人，一起食早餐。結果，因為我地遲左小小，俾佢地其中一人「命令」5分鐘之內要食完...
之後，上車傾左陣計，發覺真係完全唔啱傾。佢地有兩對人，一對係來自廣州既夫婦，一對係東莞打工既情侶/朋友，名已經唔係好記得。小貓既評語係「廣州既睇唔起人、東莞既無文化」，我地都好認同。佢地對司機既態度，好似俾左錢大晒咁，呼呼喝喝，相比我地上一程，同司機有講有笑，差得遠了...
面包車係新都橋開始北上，沿途既景色真的很漂亮，深秋的川西真的太美了！！途中經過塔公，可惜塔公寺在裝修，無緣參觀。之後路況開始變差，沒多久就到達丹巴縣城，先去汽車站買定明天回成都的車票，跟住就去丹巴藏寨。
現在回想起，應該在藏寨多留一兩天，因為在藏寨，可以享受到那份寧靜安逸生活，正是城市人最缺乏的，何必又要急急趕回大城市呢...
新都橋往丹巴路上
在丹巴縣城，沿大渡河北上，駛過之字的山路，就到達丹巴藏寨，在門口處有賣門票的，報上接待的藏寨名稱，面包車就直接駛到藏寨家門前。
安排好住宿好，開始細心欣賞這個。
整個藏寨建在峽谷上，谷底就是有名的大渡河，故峽谷又名「大渡河峽谷」，一座一座的藏寨，就依山而建在峽谷的斜坡上。座在藏寨的陽台上，日間，望到急湍的大渡河在谷底流過；晚上，可以仰望天空的繁星...
當我想得入神時，忽然聽到友人的笑聲，原來佢地係到摘緊水果！！係藏寨入面種左好多水果樹，剛好熟透掉在地上，問過藏寨主人，話可以隨便食，大家就瘋狂咁爬上樹摘水果，哈哈。而且這些水果特別甜，係真正的「有機水果」。細心的小貓仲攞出把摺刀，批皮俾我地食~~有女伴同行，真係好呢~~
食完水果，藏寨就為我地準備好午飯，其中的玉米餅，外脆內軟，仲有香甜的玉米味，超好食呢~
玉米餅!!
食飽後，我地就開始係藏寨附近走走，毫無目的，周圍亂咁行，偶爾遇見當地既藏民，都好友善同我地打招呼。黎到藏寨之後，好像配合當地寧靜的氣氛，我講野都小左，友人們擔心咁問我，係未無得去貢嘎，唔鐘意呢到。
我當然唔係唔鍾意，係好鍾意先啱！！去過「江西婺源」、「湖南鳯凰」、「安徽宏村」，最喜歡的始終係「丹巴藏寨」！！
晚上，食多次超好食既玉米餅，就座係陽台上觀星、曬月光，過一個寧靜既晚上。
P.S. 我其實知道係丹巴有個好出名既景點，叫黨嶺，但相信友人應該無力氣再去，所以都無提出呢個地方呢。
丹巴藏寨
大渡河峽谷
前言 Day0 Day1 Day2 Day3 Day4 Day5 Day6 Day7 Day8 Day9 Day10
0 留言:
發佈留言