是日夜機返深圳，仲有大半日可以係成都閒逛。
係我大力要求下，去左杜甫草堂，其實我對呢類景點都無乜期望，只係我讀過文學，一直都好鍾意杜甫呢個人物，有機會的話，想去睇睇。
之後去左錦里行左陣，就去附近既「藏民一條街」買手信。晚飯我地揀左一間好啲既餐廳同小貓食離別飯。
我地係旅程第一日去稻城既車上，就認識小貓，並且一齊走過往後十日既旅程。有小貓相伴，徐左開心好多之外，最重要係小貓身上，學習到既旅行態度。
小貓好鍾意西藏既文化，而且好尊重藏民，同藏民特別合得來，在沖古寺時，多吉見小貓高反，就免費沖野生紅景天水俾小貓飲。其實去旅行，除左睇風景、食當地既美食之外，都應該多d同當地人文流，認識、了解當地既文化，都係旅行中好重要既一部份。
記得，有一次我同藏民有爭吵，小貓同我講，你去得人地既地方，就應該包容佢地既文化、處事方法，勉強用城市人既一套，代入去當地人，只會係好無益。
其實都几啱，就好似要求藏民，好似香港人處事要快靚正既，根本就無可能。反而多d包容、諒解仲好，自己都會開心的。
而且，經過呢十日既相處，到離別時，特別依依不拾...
向小貓道別後，我地就打車去雙流機場，搭飛機去深圳，離開機場時已經零晨1點。今次，我地嘗試搭330機場大巴去到投資大廈，轉的士去黃崗，唔駛係機場排隊等的的士，又比白牌安全。
係黃崗再搭直通車返屋企，十日既旅程就正式完結了。
後感
第一次入藏區，第一次去所謂既大香格里拉區域。當地雄偉既雪山、驚豔既高山海子、清澈湛藍既天空白雲、加上秋色既點綴，已經深深吸引著我，有點不能自拔。
未來數年既旅行，毫無疑問，將會係再次探訪這個大香格里拉!!
~~~~~~完~~~~~~
0 留言:
發佈留言